Nongstoiñ, Rymphang 17: Ki Pulit ka Nongstoiñ Police Station, hynne ka sngi ki la kem noh ïa uwei u briew u ba suba donkti ha ka ban leh be-ijot bad pynïap ïa kawei ka Longkmie dang ha kine ki khyndiat sngi ha kawei ka jaka ba la tip kum ka Phodkynthei jong ka shnong Riangpoit Thymmai, West Khasi Hills.
U ne u briew ba kyrteng u Langbor Puweiñ ba 40 snem, la kem hynne ka sngi thohdieng da ki Pulit ka Nongstoiñ bad la pynngat ïa u ha ka kyndon 376/302 IPC. Ka jingtohkit mynta ka la ïaid shakhmat ban lap dien ioh dang don kiwei pat ki briew ba ïadonkti lang.
Lah ban kdew hangne ba ka Longkmie ka la shah pyniap ha ka 14 tarik Rymphang, katba ka dang mih na ïing ban leit sha ka jaka thang rnga kaba don ha kawei ka khlaw ba marjan bad ka shnong.
