Jowai, Naitung, 18: Ki Pulit ka Anti Narcotic Task Force (ANTF) West Jaiñtia Hills District ha ka sngi Baar da ka jingïarap jong ka Dorbar Shnong Tpep Pale, Jowai ki la ïoh kem ïa san ngut ki briew kiba la suba nongkhaïi drok hapoh ka sor Jowai.
Na kine ki san ngut, ki Pulit ki la ïoh kurup kumba 0.78 gm u drok Heroin, ka pisa ba T. 2700 hajar. Kine ki san ngut ki kynthup ïa u Talu Kyndiah, 30 snem ka rta, u Justme Suting 21 snem ka rta, u Ham Lytan 41 snem, u Besty Sana bad u Sylvester Siangshai ba la 34 snem.
La ïathuh ba u Sylvester Siangshai u dei ruh u Pulit ka 3rd MLP Battalion jong ka ka West Jaiñtia Hills District.
