Shillong, Rymphang, 8: Arngut ki snar khaii drok ki la shah kem ha ki Pulit ha Nongpoh, Ri Bhoi District ha ka step sngi Palei.
Kine ki arngut ki dei kiba la tip kyrteng kum u Sumit Naha, 21 snem bad u Rahul Ghosh 25 snem kiba dei na Dibrugarh, Assam ki la shah kem na kawei ka Bos Night Super kaba don ïa u nombar ML05T8121, ong ki Pulit.
Ha ka jingïatalasi, ar tylli ki synduk thep sabon ba la thep ïa u drok uba don ka jingkhia 21.05 gram ryngkat bad 8 tylli ki tyndong bad uwei u thyrnia injek la ïoh kurup na ka met jong ki, la ong ki Pulit.
Ïa ka case la register ha Nongpoh Police station bad ka jingtohkit ka dang ïaid shakhmat ban lap dien ïa kiba donkti ha kane ka kam be-aiñ.
