Shah kem 4 ngut ki nong Bangladesh bad 3 ngut ki nong India ba thmu ai jaka rieh tngen ha khappud

Shillong, Kyllalyngkot 14 : Ki bor pahara khappud jongka India ki Border Security Force (BSF) ki la ïoh ban kem ha ka 12 tarik mynta u bnai saw ngut ki nong Bangladesh bad lai ngut ki nong India katba ki dang thmu ban pynrung tuh ïa kitei ki nong Bangladesh ban rieh tngen hapoh u pud u sam ka India.
ïa kine ki briew la ïoh ban kem da ki briew jongka 4th Battalion kiba pahara ha ki bynta khappud jongka East Khasi Hills District.
La ïathuh ba kitei ki saw ngut ki thmu ban rung beaiñ shapoh India ha ka por ba la ïoh bat ïa ki da ki BSF. Ha ka jingtohkit ki la phla ba ki thmu ban ïoh rieh tngen ha India da ka jingïarap kitei ki lai ngut ki nong India kiba la ngat lang ha shrip ki BSF. ïa kine kiba shah kem la aiti da ki BSF sha Dawki Police Station ban leh ïa kaba donkam kat kum ka aiñ.
Ki BSF ki trei borbah bha ban khang lad ïa kane ka jingrung tuh ki nong Bangladesh sha India bad kumjuh ruh ïa ka jingkhaïi beaiñ na India sha Bangladesh.