Shillong, Nailar 14: Ha ka 13 tarik Nailar 2026 ha ka por kumba 8:30 baje mynstep, la ïoh jingtip ha Mawkyrwat Police Station halor ka jingshah kawang petrol bom ha jaka jong ka Ophis jong ka Mawkyrwat Block, kaba don ha Shnong Mawlangwir, SWKHD.
Mar ïa ioh jingtip na ka liang jong ki pulit ki la leit bran bran sha katei ka jaka kaba dei ka Mwt C&RD Block Office bad ki la lap ba ka Meter Box ka la shah pynjulor ha ka ding namar uwei u petrol bomb u la shah kawang ha ka bad uwei pat u la shah kawang ha ka jingkhang bah bad ym shym la lap ïa kano kano ka jingjulor.
Ka jingtohkit kaba kham bniah ka dang ïaid sha khmat bad dang ap ïa ka ejahar halor kane ka bynta.
