Shillong, Naiwieng 30 : Kawei ka ïing jong u Paritosh Das kaba ha Bengali Para, Mawbah ka la shah kawang petrol bom ha ki riew runar ha ka miet Lah Sngi U Blei.
Hooid ym don ba mynsaw ha katei ka jingjia hynrei na ka liang ka BJP ka la kyntu ïa u DGP u LR Bishnoi ba un phah bor pahara sha katei ka jaka namar kane ka jingjia ka la pynshong syier ïaki paidbah ha katei ka jaka.
Na ka liang u President ka BJP bah Ernest Mawrie u la ong “ Nga kyntu jur ïa u DGP ba un pynkhlaiñ ïa ki bor pahara sha katei ka jaka khnang ba ki paidbah ki sngewshngaiñ”.
