Shillong, K’lyngkot, 13: Ka Green Image Junior Dance Crew kaba long ka kynhun shad na them Ribhoi, ka la ïohrah ïa ka kyrdan kaba ar ha ka jingïakhun ha ka Indian Hiphop National Dance kaba la long dang shen ha Mumbai.
Halor kane, ka All Meghalaya Dancers Association (AMDA) ka ai khublei kitbok kitrwiang ïa kane ka kynhun kaba la wanrah burom ïa ka jylla Meghalaya bad ka seng ka la pynkhreh mynta ban pynkup burom ïa ki heprit donsap jong ka kynhun kiba la wanrah burom ïa ka jylla.
Kan long ruh ka sien banyngkong jong ka Green Image Junior Crew na ka shnong Byrnihat, Ribhoi District hapoh ka jinghikai jong u samla Kitbok Lyngdoh ba dEverett Manner.
Ka Green Image Junior Crew ka la lah ban pynkhyllem ïa ki snar nongshad shad jong ka ri India da kaba ïoh khur ïa ka takma Rupa.
Lyngba kane ka jingjop, kane ka kynhun ka la ïohlad ban leit mihkhmat sha ka rynsan ïakob World of Dance Junior ka ban sa long ha ka ri United States of America (USA).
Kane ka kynhun ka dei kaba la ïashim bynta ruh ha ka Meghalaya Superstar Star Season-3 ha u snem 2019 ha ka Granfinale bad ha kajuh ka por ka kynhun Wansai Fusion Crew ka la poi sha ka kylla ïakhun phainal ha ka Professional Senior Category napdeng ki 260 ngut ha ka Indian Hiphop .
Ka Wansai Fusion ka ïoh ban rung ha ka kyrdan bahynñiew, ong u kyrwoh ba la phah da u Social Sectary Youth Talented Dancers & Singers u samla Mikey Poul Mawlong.
