Shah beh u Magistrate bad ki Pulit Meghalaya ha ki Karbi na Khanduli

0

Shillong, Ïaïong 17: Ka Video kaba la saphriang lyngba ki Social Media mynta ka sngi, ka la pyni ba ki paidbah Karbi kiba shong ba sah ha Khanduli ki la beh krad ïa u Magistrate (ADC) jong ka West Jaiñtia Hills District bad ki Pulit Meghalaya haba ki la leit sha katei ka jaka mynta ka sngi.
Ym shym la ïoh jingtip kaei kaba la pynlong ïa ki paidbah Karbi ban mih ban pynpaw ka jingbitar ïa une u Magistrate, hynrei ka Video ka pyni ba ki la mih da ka jingbitar bad beh artad ïa u Magistrate u Bah MA Challam uba la wan lang bad ki Pulit.
Haba la wad jingtip halor kane ka jingshah beh u Magistrate, la sngewthuh ba u leit sha katei ka jaka ban leit peit ïa ka jingbuh khyrdop ka Karbi Anglong Autonomous Council (KAAC) ha Khanduli ha ka jaka kaba hap ha Meghalaya.
Ha kane ka jingshah beh u Magistrate la ïoh sngew ha ka Video ba don napdeng ki riew paidbah kiba la pynpaw ka jingbitar da kaba ong “Balei phi ïashah jem kumto bad phet beit”.
U Magistrate um shym la jubab ei ei ïa kane ka jingkren ki paidbah.

Leave A Reply

Your email address will not be published.