Shillong, ïaïong, 01: Ka Jaintia Students Union (JSU) ka lah maham tyngeh ïa u Gopal Deu bad ïa ka Committee jong u ba kim dei ban pynshit lane kynnoh kulmar ïa ki dkhot ka KSU ba ki dei kiba donkti ban pynïap ïa ki ar ngut bar jylla ha ha Ichamati .
“U Gopal Dey um dei ban shu kynnoh kulmar bad ka seng ka lah ong ba ki bor Pulit ki dei ban pynngat bad shitom hapoh ka aiñ ïa u kum kine ki briew kiba kynnoh khlem ki sabut satar ba biang,” la ong ka seng ha u kyrwoh ba la phah da u President u Bah Jersom Shylla.
“Lada jia eiei ïa ki bar jylla la shu kynnoh beit ïa ki dkhot sengbhalang na ka por sha ka por bad ka seng ka maham ruh ïa u Gopal Dey ba um dei ban shu kynnoh khlem ka sabut bad ka kynhun tohkit ki Pulit ki la leh la ka kamram,” u la ong bad bynrap, “ka seng ka dawa ruh ïa ki bor synshar distrik bad ïa ka sorkar ba da leilei ym dei ban ailad ban pynlong jingïalang ki ne ki kynhun poiei ka CWC namar kan nang pynshit ïa ki dkhot ka jaitbynriew bad kan nang wanrah shuh shuh ïa ka jingsngew pher jaitbynriew bad ïa umsnam,” la ong ka Seng.
“Ka seng ka buh jingkylli ruh na ka Sorkar Jylla ba ïa ki bar jylla thrang snam kiba dkhat bad pynïap ïa ka mynsiem ba lui lui jong u samla Lurshai Hynniewta ha Ichamati, hato la ïohkem neem ïa ki bad haei lah set ïa ki ? Ka JSU ka lah dawa na ka Sorkar ba ka dei ban sei madan ïa ka case bad ban pynpaw pyrthei ïa kito ki bar jylla kiba dkhat bad pynïap ïa ka jingim u samla jong ka Bri u Hynñiewtrep,” la ong shuh shuh u kyrwoh.
