Shillong, Ïaiong 01 : Ka Sankardev College Shillong ha ka 27 tarik mynta u bnai Lber ka la pynlong ïa ka jingïakob shut jabieng (Inter-College Quiz competition) ryngkat ka jingïatrei lang bad ka sorkar jylla hapoh ka CMYDS 2022-2023 na ka ophis u Deputy Commissioner, East Khasi Hills District.
Ha kane ka jingïakob la wan ïa shimbynta da ki phra tylli ki College kiba don ha Shillong. Ha ka jingïakob, ka Sanjana Rani bad u Niyazul Rehman kiba mihkhmat na St. Edmund’s College ki la khur ïa ka nam lahduh bad khur ïa ka song pisa kaba 5,000 tyngka ryngkat ka syrnod.
Ïa ka kyrdan ka ba-ar la ïoh rah da ka Diya Sinha bad u Rajesh Barman na Raid Laban College, bad khur ïa ka song pisa ba 4000 tyngka ryngkat ka syrnod. Ïa kyrdan kaba lai pat la ïoh da ka Jennifer R Marak bad ka Christina Themsingphi AS na St Anthony’s College bad khur ïa ka song pisa kaba 3,000 tyngka.
Ïa ka jingïakob ha kane ka sngi la pynïaid da u Babu Batskhem Rapsang, Assistant Teacher jong ka KJP Girls Higher Secondary School kum u Quiz Master.
