Shillong, Risaw 22 : U bah Charles Marngar MLA bad MDC jong ka Mawhati konstitwensi haba ïa shim bynta ha ka jingdap shisnem ka seng ki nongshet ja ki skul bad ki nongïarap hapoh ka skhim PM-Poshan ha Ri Bhoi District u la kular ba un rah ia ki jingeh jong ki nongshet ja sha ki shkor jongka sorkar jylla.
Ha kane ka jingïalang ka jong ki kila pynpaw ïa ki jingeh kaba ki ïakynduh bad ki kwah ba ka sorkar kan pynkiew noh ïa ka bai trei jong ki na ka T.2000/- tyngka kaba ki ïoh mynta ha ka shibnai.
Kawei pat ka jingeh kaba ki ïakynduh ka long ba ki nongshet ja ha ki skul na ka bynta ki khynnah skul ki ïoh ïa ka jingsiew kaba tang shiphew bnai ha ka shisnem, ki kwah ban ka sorkar kan siew ïa ki baroh 12 bnai.
Kiba shet ja ha ki skul ïa ki khynnah skul ka long ba ki hap ban thang da ka dieng, kumta ki dawa na ka sorkar ba ka dei ban pynbiang ïa ki tyndong lyer ban shet bad kila don ruh kiwei ki jingdonkam kaba ki nongshet ja ha ki skul ki don kam.
Na ka liang jong u bah Charles Marngar MLA bad MDC jong ka Mawhati haba kren ha kane ka jingïakynduh lang jong kane ka seng ki nongshet ja ha ki skul,u la ong ba un sa rah sha ka sorkar ïa kine ki jigneh jong ki kiba hap hapoh jong ka Ri Bhoi District.
