Shillong, Risaw, 22: Ki shipai jong ka 4th Battalion Meghalaya ha ka sngi Saitjaiñ ki la pynpulom ïa ka jingthmu jong ki snar khaii ban shalan tuh ïa ki muid na khappud jong ka West Jaiñtia Hills District sha ka ri Bangladesh.
Ha ka jingpynap shrip, ki shipai BSF. ki la ïoh pyllait im 93 ki muid.
Hadien ba la ïoh ïa ka jingtip kaba bniah na ki tnat syntiat, ki shipai BSF ki la pynlong da ka jingpynap shrip ha khappud bad ïoh pyllait im ïa kine ki 93 tylli ki muid ïa kiba la buhrieh ha kawei ka lawbniap hajan khappud da ka jingthmu ban shalan tuh ïa ki sha Bangladesh.
Ïa kine ki muid la aiti noh sha ki bor Pulit ban leh ïa kaba donkam katkum ki kyndon jong ka aiñ.
