Sha ka 84.90% kynjoh ka South West KHD ha ka digitization jong ki Enumeration Forms hapoh ka SIR

Mawkyrwat, Naitung 24: Ka District Administration, South West Khasi Hills District, ka pyntip sha baroh ki paidbah ba ka kam Special Intensive Revision (SIR) jong ka Electoral Roll 2026 haduh mynta ka dang ïaid shaphrang bha ha baroh kawei ka district.
La ong shuh shuh katkum ka jingïoh lum jingkheiñ ba ka jingpynsam paidbah ïa ki Enumeration Forms ka la kynjoh 100% ha ka district baroh kawei.
La ïathuh ruh ha kajuh ka por, ka kam digitization jong ki Enumeration Forms ka la kynjoh 84.90% kata 81.61% la sam ha ka 35-Ranikor (ST) Assembly Constituency, katba 88.02% la sam ha ka 36-Mawkyrwat (ST) Assembly Constituency.