Shillong, Naitung 24: U Bah Lahkmen Rymbui uba dei u Myntri ka Tnad Pule Puthi ha ka sngi Thohdieng ula ong ba ka Sorkar Jylla kan sa sdang noh shen ban thugn kam ha ki 700 tylli ki kam nonghikai kiba lait thylli ha ki skul Lower Primary ka Sorkar kiba don ha kylleng ka Jylla.
Haba iakren bad ki nongthoh khubor, u Bah Lahkmen ula ong ba ïa ka eksam Meghalaya Teacher Eligibility Test (MTET) la pynlong hynne ka sngi Thohdieng, kaba dei ka sienjam ba donkam bha na ka bynta ka jingthungkam nonghikai.
“Ngi don palat 700 tylli ki kam nonghikai kiba lait tang ha ki skul Lower Primary ka Sorkar.Ka jingthungkam kan sa sdang noh shen” ong u Myntri.
