Sei kyrtong ka VPP ban ïakhun ïa ka Dr. Ampareen

0

Shillong, Nohprah 06: U samla Avner Pariat ha ka sngi Ba-ar u la pynbna ba un ïakhun ïa ka ilekshon 2023 na ka seng Voice of the People Party (VPP) napoh ka East Shillong East constituency kaba la mihkhmat da ka Dr M Ampareen Lyngdoh kaba la jop la laisien lynter na katei ka constituency.
Haba kren sha ki lad pathai khubor u samla Avner u la ong ba kane ka jingshim rai ban ïakhun na ka seng VPP kadei namar u sngew ïahap bad ki nongrim ba ka Party ka ieng.
U samla Avner u la ong ba ka thong jong u ban ïakhun ïa ka ilekshon 2023 kadei na ka bynta ban pynbha ne wanrah ka jingkylla hapoh ka East Shillong khamtam haka liang ka tnat ka koit la khiah.
U la ong ba ka thong jong ka VPP kadei ‘Clean Politics’ ka ba mut ban wanrah ka synshar khaddar kaba khuid hapoh ka jylla baroh kawei.
“Baroh shi katta nga ju don bynta bad kiwei ki sengsaiñ pyrthei bad ha kine ki shisnem tam, nga la thmu ruh ban ïakhun ïa ka ilekshon 2023 kum u kyrtong shimet hynrei mynta nga la rai ban ïakhun noh na ka VPP namar nga sngew ba ki nongrim bad ka thong ba nga don ki ïahap bad ki nongrim bad ki mat ba kane ka Party ka ïeng,” u la ong.
U la ong ba ka Shillong East ka dang don bun ki jingduna kiba long ki dieng pynkiang ïa ki paidbah khamtam ïa ki samla bad dei namar kane u kwah ban ïakhun ïa ka ilekshon ban weng lut ïa kine ki jait jingeh.
Shuh shuh u la bynrap ba u don jingthmu ban wanrah jingkylla ha ka liang ka koit ka khiah da ka ba pynbha ïa ki Dispensary, ki CHC bad kiwei ki jaka sumar hapoh ka constituency.

Leave A Reply

Your email address will not be published.