Mumbai, K’Lyngkot 06 : Ka Maharahstra ha ka sngi Saitjaiñ ka la sakhi ïa ka jingpur thymmai jong ka khlam COVID hadien ba ki la don kumba 154 ngut ki paidbah kiba dang ïa bit thymmai nalor ka jingïap jong ki arngut ha Mumbai bad Nagpur.
Shuh shuh la ong ba mynta ka jingdon kiba ïabit ïa u khniang jingpang JN.1 variant ka la kot sha ka 139 ngut ha katei ka jylla.
La ong ruh ba katkum ka jingpyllait khubor na ka tnad ka Koit ka Khiah jong katei ka jylla la ong ba ki la don haduh 14,790 tylli ki jingtest Coronavirus ha katei ka sngi kaba kynthup ïa ki 12369 tylli da ka rapid antigen test bad 2421 tylli pat da ka RT-PCR.
Ha kawei pat ka liang la ïathuh ba ka jingkoit ki nongpang ha katei ka jylla ka long 98.17 persen h akaba ka jingdon kiba khlad pat ka long tang 1.81 persen.
Katba ka jingïabit ïa utei u khniang jingpang naman la ki 100 tylli ki test ka long tang 1.04 persen.
