Kiew tang 30,949 ngut ki nongthep vote ha Meghalaya

Shillong Kyllalyngkot 6 : U Chief Electoral Officer jong ka Election Department, Meghalaya, ula pyntip ba la dep ban pynmih ha ka 5 tarik u Kyllalyngkot ïa ka Final Rolls jong ki nongthep vote ha kaba mynta ki nongthep vote ha Meghalaya baroh ki long 22,17,100 ngut kaba mut ba ka don ka jingkiew kaba tang 30,949 lada ïanujor bad ka jingdon ki nongthep vote mynshwa kiba don 21,86,151.
Katkum ka kyrwoh na u CEO ka jylla u Dr BDR Tiwari ula pyntip ha ka 5 tarik u Kyllalyngkot ïa ka Final Rolls ha kaba ïadei bad ka jingpynlong ïa ka Special Summary Revision w.r.t. 01. 01. 2024 na ka bynta baroh 60 tylli ki Constituency ha ka jylla Meghalaya.
Ula ong, ka jingdon baroh jong ki nongthep vote ha ka Final Rolls ka long 22,17,100 ngut, kumta ka la don ka jingkiew ki nongthep vote da 30,949 ngut haba ïanujor bad ka jingdon jong ki 21,86,151 ngut ki nongthep vote ha ka por ba pynmih ïa ka Draft Rolls ha ka 27.10.2023.