Shillong Kyllalyngkot 06 : Ki Nongshong shnong ka 3 Mer Upper Shillong, mynta ka sngi Saitjaiñ ki la lap ïa ka met jong u samla Blessingson Fancon kaba la sdien phasi ha ka lynti ïaid kjat ban leit sha Wah Umjasai.
Hadien ba une u samla ula jah rngai naduh ka 4 tarik u Kyllalyngkot 2024, ki nongshong shnong ki la ïa mih ban wad ïa u samla Blessingson bad ha kane ka jingwad kila lap ïa ka met ka jongu kaba la sdien phasi.
Ki Pulit kila iathuh ba la lap ïa ka met jong u Blessingson Fancon kaba la sdien phasi bad haba kila pynlong ïa ka jingtohkit ym shym la lap ïa kino kino ki dak ki shin ba une u samla yn shah pynïap hynrei ka dei kaba ula bthat jubor hi ïa la ka jong ka jingim.
