Shillong, Kyllalyngkot 08: Ka resol jong ka jingïalehkai Under-16 Boys Football League 2023-24 kaba la sdang hynne ka sngi ha madan 1st Ground SSA Stadium.
Haba phai sha ka jingïakhun kaba nyngkong ba la sdang naduh ka por 9:30 baje mynstep, ka Lah Bet FC ka la khur jingjop da 1 kol ïa ka Lumshyiap SC.
ïa kane ka shi kol la thep da u Robindor Kyrsiang ha ka minit ba15.
Ha ka jingïakhun kaba ar kaba la sdang ha ka por 11 baje mynsngi ha madan SSA Stadium, ka Mawreng SC ka la pynliem ïa ka Upper Shillong Colt da shi kol. Kane ka shi kol la thep da u Bashemphang jana ha ka 39 minit.
Haba phai sha ka jingïakhun kaba lai ha ka por 12:30 baje mynsngi ka Umpling SC ka la shah pynliem kput haduh 6 kol ha ka PFR FA.
Kine ki hynriew kol la thep na ka PFR FA la thep da u Mewan Ryntathiang (6mins & 13 min), nangta u Mewanlang Laloo- (35min, 40mins & 43min), u Kitboklang L Marshillong ha ka 45min.
Ka jingïakhun ba saw ha ka por 2 baje nohphai sngi ka la kut ha kaba ka Iaitylli SC ka la liem da 2 kol ha ka Mawlai SC, ïa kine ki 2 kol la thep da u Batista Langstieh- 50 minit bad u Pynshai Khongthohrem ha ka 59 minit.
Mynta ka sngi yn sdang ruh ïa ka lympung 1st DIVISION Football League 2023-24 ba la pynïaid da ka Shillong Sports Association ha madan SSA Ground, bad ka jingïakhun kan sdang ha ka por 2:15 baje nohphaisngi hapdeng ka Laitkor SC pyrshah ïa ka Malki SC.
