Jowai, Lber, 04: Ka jingai dawai Polio ïa ki khynnah rit hapoh ka rta san (5) snem ne ka ‘Intensified Pulse Polio campaign’ kala sdang mynta ka sngi hapoh ka District West Jaiñtia Hills, ha kaba u Assistant Commissioner Shri. S. Phanbuh ula wan ban plie ïa kane ka prokram ha MCH Hospital Panaliar, Jowai.
Na ka liang u S. Phanbuh haka jingkren uba kyntu ïa ki kmie ki kpa ba kin sumar bha ïa ki khun ki kti kiba dang hapoh ka rta ba san snem bad ban ïalam ïa ki sha ki booth centres ban ïoh ïa kane ka dawai Polio kaba long ka lad jingïada ïa ka koit ka khiah jong ki khynnah.
Ka Dr. Helen J Uriah, District Maternal and Child Health Officer kala pynsngew shaphang ka jingdonkam ban ai ïa kane ka dawai sha ki khynnah rit khnang ba kin lad na ka jingpang kaba ktah na ka jingduna ha ki dkhot met.
Shuh shuh ka Dr. Helen kla ong ïa kane ka jingai dawai la leh ha baroh ki Polio booths centres kiba la buh ha ki dong bapher bapher hapoh ka sor Jowai, kumjuh ha ki Health centres bad ha ki shnong nongkyndong.
Kane ka jingai dawai Polio kan sdang naduh mynta ka sngi 4 tarik ban yn pyndep ha baroh kawei ka ka District ka ban bteng haduh ka 6 tarik u Lber, 2024 ka jingleit mih sha ki ïing kan long haka 5 bad 6 tarik u Lber, 2024.
Nalor ka District Medical & Health Officer Dr. Evalyneda B.V Laloo, ki Doctors bad ki Nurses jong ka MCH Panaliar, Jowai kila wan ban ïadon lang ha kane ka sngi.
