Khliehriat, Nohprah 14: Ka East Jaiñtia Hills District Football Association (EJHDFA) mynta ka sngi 14 tarik u Nohprah kala sdang lyngpung ïalehkai football jong ki kynthei ïa kaba la tip kum ka ‘Women League 2023’ ha EJDSA Artificial Turf Khliehriat.
La ïathuh ba kane kadei ka sien kaba ar bala pynïalehkai ïaka Women League hapoh ka District, ïa kaba la ai kyrteng kum ka Late Mary Tlang Memorial Trophy.
Ha ka jingïakhun mynta ka sngi la don ar tylli ki jingïalehkai kaba nyngkong ka long hapdeng ka Deiñchynrum SC pyrshah ïaka Ïongkalooh SC, na ka liang ka Deiñchynrum SC kala jop ïaka Ïongkalooh SC da 8-0 kol. ïa kitei ki kol la thep da Felicia Sympli haka minit ba 2, 40, 53 & 55, ka Alisha lyngdoh haka minti ba 29 & 41 bad ka Evangelin Bareh haka minit ba 23 bad 51.
Haka jingïaleh ba ar hapdeng ka Dkhiah West SC pyrshah ïaka Wapung Combine SC, ka Dkhiah West SC kala jop ïaka jingïalehkai da 7-1 kol, ïa ki kol na ka Dkhiah West SC la thep da ka Russia Dkhar haka minit ba 17, 24, 60 & 70, ka Batbitbha Bareh haka minit ba 5 & 59 ka Dakani Shylla haka minit ba 63. Katba ïa kawei ka kol na ka Wapung Combine SC la thep da ka Charlin Nongtdu haka minit ba 46.
Kane ka jingïalehkai phutbol jong ki kynthei kala long kaba shongshit namar ka jingwan synran lang jong ki nongwan peitkai naduh ki rangbah, ki longkmie bad ki khun samla jong ka tnaiñ.
