Shillong, Nailar 25: Ka seng Meghalaya People’s United Front (MPUF) sengkmie ka la lah ban kner biang ki jingïarap sha kawei ka longkmie kaba la tip kyrteng ka kong Wansadaka Ksoo, kaba shong basah ha shnong Kyndong Tuber.
Ha kane ka sngi la ïadonlang ki dkhot jong ka seng kiba kynthup naduh u President rangbah u D. Wanmi Laloo, General Secretary u samla Aimonbha Syad, Finance Secretary u Mainlip Lathong, Publicity Secretary u samla Hamwer Bhoi, Education Secretary u samla Chalbester Maria, Sports Organising Secretary u samla Phrangshwaki Suiam bad Heiyi Lpasan.
Hashwa ban aiti ïa ki tin sop ïing la ïoh ka jingkren lyngkot na u President sengkmie u rangbah D. Wanmi Laloo bad la ïoh ruh ka jingkren lyngkot bad ai khublei ïa ka seng na ki trai ïing bad la aiti pat ïa ki tin sop ïing sha ki trai ïing.
