Sa sha Ophis u Syiem Mylliem hiar u CEM bad ki Heh ka World Bank ban ïamir halor ka Iewduh

Shillong, Risaw 11 : U Chief Executive Member (CEM) ka Khasi Hills Autonomy District Council (KHADC) bah Pyniaid Sing Syiem bad ki Heh Ophisar ka World Bank, mynta ka sngi Balang, ki la leit ïuhkjat ha Ophis u Syiem ka Hima Mylliem kaba don ha Mawkhar Shillong.
ïa u CEM bad ïa ki heh ka World Bank la pdiang burom hi da u Syiem ka Hima Mylliem u Paiem Ainam Manik Syiem ha ka jingïadon lang ki Myntri bad ki nongtrei ka Hima.
Kane ka jingleit u CEM bad ka World Bank ka long eh na ka bynta ban ïakren halor ka KHAD (Solid Waste Management) ba la mynjur da u Lat ka jylla, ban wanrah ka jingkhuid jingsuba khamtam ha ïewduh kaba la khmih da ka ophis Hima Mylliem.
U CEM ula ong ba ka KHAD (Solid Waste Management) ka kdew shai ba donkam ka jingïatreilang hapdeng ka District Council, ka Hima Mylliem, ki shnong bad ki para nong shong ïew ban wanrah ka khuid ka suba da ka ba pyntrei hok ïa ka Solid Waste Management.
U bah Pyniaid u la ong, kum shi bynta ban sdang pyntreikam ïa ka aiñ Solid Waste Management, ka District Council ka la sdang ban sam kali kit niut sha ki katto katne tylli ki shnong bad kane ka jingsam kali kit niut kan dei sha kumba 20 tylli ki shnong kiba hap haka jingkhmih ka council.
Ula ban ba kane kam kut tang katne hynrei ka Council ka kwah ban buh ruh ka thong ha ka ban lah ban pynkylla dur biang sa shisien ïa ka Hima Mylliem kaba peit ba khmih ïa kane ka ïew tynrai ka ïewduh.