Sa ha Umroi sdang ka JAC ïaka jingsoi muhor pyrshah ïaka Casino bad MRGA 2021

0

Nongpoh, Risaw 13: Ka kynhun jong ki Rangbah Shnong bad ki sengbhalang hapoh ka lama jong ka Joint Action Committee ba kynthup naduh ka KSU, FKJGP, bad HNYF mynta ka sngi kila hiar shaka thaiñ Umroi ban sdang ïaka jingsoi muhor (Signature Campaign) pyrshah ïaka jingwanrah ïaka ktem khalai Casino ha Ri-Bhoi bad kumjuh ruh ban dawa pyndam noh ïaka Meghalaya Regulation of Gaming Act 2021.
Kum ban shu pynpaw ba naka liang ka JACAC kala sdang ïa katei ka Signature Campaign haki jaka bapher bapher ha Ri-Bhoi ban pyrshah ïaka jingthmu jong ka sorkar ban wanrah ïaka ktem khalai ha Ri-Bhoi District, bad kum ka JACAC ka iengskhem ban pyndam noh wat ïaka Meghalaya Regulation of Gaming Act 2021.
Ha katei ka sngi la wan ruh ban shim bynta da u Bah George B Lyngdoh MLA ka Umroi, ki nongïalam sengbhalang, ki longkmie longkmie bad ki paidbah naka thaiñ Bhoirymbong.

Leave A Reply

Your email address will not be published.