Shillong, Kyllalyngkot 04: U Bah Process T Sawkmie ha ka sngi Palei ka 04 tarik u Kyllalyngkot, 2024 u la ioh ban lehkmen snem thymmai bad ka Umpling Umjathang Sports Club da kaba pynialehkai sports ia ki khynnah bad ia ki samla shnong ha madan shnong jong ki.
Ha kane ka jinglehkmen jong ki la ia don lang u bah H. Kharkongor President ka UDP Mawlai Circle, ki nongkitkam ka UDP Mawlai Circle, rangbah dong bah K. Kharumlong, ki nongkitkam dong, ki paidbah nongshong shnong bad kiwei kiwei.
Ki sports ba ka Umpling Umjathang SC ka la pynialehkai ki long kum ka mareh byrni, mareh shamoit, mareh 100 mitar, ka phutbol ki shynrang bad ki kynthei bad kiwei kiwei ki jingiakob mareh.
Haba kren kum u kongsan u bah Sawkmie u la pynpaw ia ka jingkmen ba u la ioh ban ialeh kmen lang bad ki nong Umpling Umjathang, kiba la pynlehkmen ia ki khynnah, ki samla bad kiwei ki nongshong shnong.
Ha kane ka sngi la ioh ruh ia ka jingkren na u bah Khraw Lyngdoh, ba pyniaid ia ka jingialang, na u bah K. Nongphud bad na u rangbah dong bah K. Kharumlong uba la ai khublei haba pynkut ia ka prokram.
U bah PT Sawkmie u la ioh ruh ban sam ia ki khusnam sha kiba jop.
Haba ia dei bad kane ka prokram ka Umpling Umjathang SC ka la ai khublei bad pynpaw ia ka jingsngewnguh ia u bah PT Sawkmie halor ka jingdon bynta jong u bad ka shnong.
