Jowai, Nailur 24: Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun ‘Quarter Final’ ba khadduh ka Salaroh FC kala lah ban pynliem da 9-2 kol ïa ka Mynsngat SC, ïa ki kol na ka Salaroh FC la thep da u Debor Kesaar haka minit ba 11, u Arlangki Nongsiej haka minit ba 45+1, u Wanlamsuk Nongkhlaw haka minit ba 58 & 72, u Ernest Marwein saw kol haka minit ba 67, 69, 73 & 78 bad u Biahar Kharummuid haka minit ba 76.
Ïa ki ar kol na ka Mynsngat SC la thep da u Nidaioh Dhar haka minit ba 35 & 90.
Lyngba kane ka namjop jka kynhun lehkai jong ka Salaroh FC kala ïoh ban rung sha ka Semi Final jong kane ka lympung.
La pyntip ba ka jingïakhun Seme Final kan long haka 29 bad 30 tarik u Nailar haka por 2 baje nohphai sngi.
