Khur namjop ka Iatyllilang SC bad ka Lumpyngngad SC

Shillong, Nailur 24: Ka jingïalehkai jong ka lympung SSA U-20 4th DIVISION Football League 2023 kaba la long hynnin ka Sngi Saitjaiñ ha madan 3rd Ground MFA Turf Polo.
Haba phai sha ka jingïalehkai kaba la long ha ka por 5 baje janmiet, hapdeng ka Iatyllilang SC pyrshah ïa ka Laitlulong SC ka la jam sha kaba kut ha kaba ka Iatyllilang SC ka la khur shalade ïa ka namjop salit da 2-1 kol.
ïa kine ki ar kol na bynta ka Ityllilang SC la thep da u Diches Roy Kurkalang ha ka minit ba 29 bad na u Ityllibor Mynsong ha ka minit ba 70. Katba ka shi kol na bynta ka Laitlulong SC la thep da u Lapbiang Jana ha ka 59 minit.
Haba phai pat sha ka jingïalehkai kaba ar ha ka por 6:30 jan miet, ka Lumpyngngad SC ka la pynliem ïa ka Lamlynti SC da 3-1 kol.
U Albert Rynjah jong ka Lumpyngngad SC u la long u namtam ha kane ka jingïakhun hadien ba u la ïarap ar kol kiba u la thep ha ka 14 bad 22 minit jong ka jingïalehkai bad ka kol kaba lai la wan na u Roby Daimary- (51min).
Ka Lamlynti SC ka la ïoh ban pynphai ïa ka shi kol na u Pynche Kyllait ha ka 40 minit.
Ka jingïalehkai mynta ka sngi kan long hapdeng ka Umsohsun SC ka ban aireng pyrshah ïa ka Mawklot SC ha ka por 5:30 jan miet.