Jowai, Nailur 24: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kala jam noh sha ka jingïakhun ‘Semi Final’ ka ban long haka 27 bad ka 28 tarik u Nailur ha madan Kiang Nangbah Stadium, Dongmihsngi Jowai.
La pyntip ba ka jingïakhun ‘Semi Final’ ba nyngkong kan long haka 27.9.2023 hapdeng Lion pyrshah ïa ka Chutwakhu haka por 1 shiteng nohphai sngi. Katba haka 28.09.23 ka kynhun jong ka Shangpung Khliehmuchut kan ïakhun pyrshah ïaka Mooknor Thadmuthlong haka por 1 baje nohphai sngi.
Katba ïa ka jingïakhun Final jong kane ka lympung kan long haka 2 tarik u Risaw haka por shi baje noh phai sngi.
