Khur namjop ka East Garo Hills DCA, pynthut u slap ïa ka jingïakhun ha Umbuda

Shillong, Sep 24: Ka jingïalehkai jong ka lympung lehkai Meghalaya Cricket Association’s U-19 Boys Inter District Cricket Tournament kaba la long hynnin ka Sngi Saitjaiñ ka la jam sha kaba kut ha kaba ka East Garo Hills District Cricket Association ka la khur ïa ka namjop katba ka jingïalehkai ha Umbuda hapdeng ka East Jaintia Hills DCA bad ka Shillong Cricket Association B la shah pynthut noh ha u slap.
Ka 41 ron na u Lensbirth N Marak ka la lah ban ïarap ïa ka East Garo Hills District Cricket Association ban khur shalade ïa ka namjop da 12 ron pyrshah ïa ka Tura DCA na ka Zone 2 jong ka lympung Meghalaya Cricket Association’s U-19 Boys Inter District Cricket Tournament.
Hynrei ka la don ka jingshah pynthut ha ka jingïalehkai kaba la long ha Umbuda, Nongpoh, hadien ba ka East Jaintia Hills DCA pyrshah ïa ka Shillong Cricket Association B ka la shah khylliap noh namar u slap katba ka jingïalehkai ha Zone 1 Group A ka la kut khlem ka resol.
Haba phai sha ka jingïalehkai kaba la long ha Zone 2, la shah pynduna sha ka 10 over ïa kawei ka kynhun hadien ba ym shym la ïoh ban pynlehkai ha ka sngi ba ladep ha Salpara, Mendipathar.
Hynnin ka Sngi Saitjaiñ ka EGH ka la sdang ban tied nyngkong hadien ba jop ïa ka toss bad kynjoh sha ka 57 shah pynhap da 7 wicket. Ka on na u Lensbirth’ haduh 41 ron na ki 30 bol (2x4s, 3x6s) ka la ïarap shibun ïa ka kynhun ban kynjoh sha katei ka ron.
Na ka liang jong ki nongkawangbol jong ka Tura’ ki la don katto katne ki player kiba la lah ban lehkai bha, u Fernando Barbaryo M Sangma da 2/4. U Lensbirth marwei u la lah ban kyntiew ïa ka kynhun bad khur ruh ïa ka nam Player of the Match hadien ba la kut ka jingïalehkai.
Haba beh ïa ka ron, ka Tura ka la ïoh ban kamai tang 19 ron hap da 4 wicket shuwa ba u Harshit Prasad un kamai 14 kaba la ai jingkyrmen ïa ka kynhun hynrei, ha kaba kut, ki la sahkut da 45 ron hap da 6 wicket na ki 10 over.
Napdeng ki rangkawangbol u Jeristho (2/7) ryngkat bad u Paisal Ali (2/13) ki long napdeng kiba seisoh tam.
Haba phai sha kawei de ka jingïalehkai, ka EJH ka la ïoh ban pynneh da kaba kamai 9 ron man ka over bad ïoh ban buh ïa ka ron da 271 ron bad shah pynhap da 8 wicket na ki 30 over.
Kane ka jinglah ban kamai ron ka la sdang naduh ka over ba nyngkong, da 76 kaba la kamai da arngut ki player ba hakhmat, u Amarjeet Gupta (56 from 61 with 6x4s, 4x6s) bad u Jeffre Chyrmang (38 from 30 with 6x4s, 2x6s).
Shuh shuh, ka jinglong paralok hapdeng u Luckystar Dhar (56 from 49 with 7x4s, 3x6s) bad u Peterson Sangma (40 from 18 with 3x4s, 4x6s), kiba la kamai 60 ryngkatlang. Katba dang ïaid ka inning bad na ka liang jong ka EJH ka la kyrmen ban kynjoh sha ka 300 hynrei watla kata ruh ki la lah ban buh ïa ka thong kaba heh. U Bishes Chetri u la long u rangkawangbol ba seisoh tam na ka SCA-B, da 2/27 na ki 6 over.
Wat hadien kane ka thong kaba heh, ka SCA-B s ka la ïoh ban sdang da 46 na ki 5.3 over ha ka por ba hap u slap. U Shubham Rasaily u khlem la shah pynhap da 33 ron naki 23 bol (3x4s, 3x6s) bad u Manthan Dey (not out) da 9 naki 10 bol.
Ka jingïalehkai kan long biang mynta ka sngi ha kaba ka West Khasi Hills DCA kan aireng pyrshah ïa ka West Jaintia Hills DCA na ka Zone 1jong ka Group B.ill