Jowai, Lber 09: Ka lympung ïalehkai phutbol ba la pynlong da ka Dorbar Shnong Pdengshakap, kaba la tip ïa ka kum ka 11th Secondary School Football Knock-out Tournament 2024-25, ha madan phutbol Pdengshakap, kala jan poi artad sha ka ba kut.
Haba phai sha ka jingïalehkai kaba la long haka 08 tarik Lber, 2025, kata ha ka sngi Saitjaiñ, kaba dei ka wat ïakhun Quarter Final ba lai hapdeng ka Azad Afc2 pyrshah ïaka Pohplet FC, ka lam poi sha kaba kut ha kaba ka Pohplet FC kala khur ïa ka jingjop da kaba pynliem ïa ka Azad Afc2 da 6-5 kol ha ka Tie-breaker hadien ba ka jingïalehkai kala kut ha ka jingïakhaid da 0-0.
Kumban shu pynkynmaw ki teams kiba la ïoh rung sha ka Semi-Final jong kane ka Tournament ki long ka Nangbah Mulang SC, ka KSF FC bad ka Pohplet FC.
Naka liang ki bor pynïaid kin bteng biang ïaka Quarter Final ba khatduh hakane ka sngi Saitjaiñ ban wan, ha kaba ka jingïalehkai kan long hapdeng ka Namrhenlang-i Fc ban ïakhun pyrshah ïaka YC Pdengkarong haka por 2 baje nohphai sngi.
