Mawkyrwat, Ïaïong, 21: Ki runar bym lah ban ithuh hynnin ka miet jong ka 19 tarik u Ïaïong, 2023 ki la leit ban pynpait ïa ka tala bad rong tuh ruh ïa ki katto katne ki tiar ba donkam ba don hapoh jong ka Nolikata Higher Secondary School, South West Khasi Hills District.
Katkum ka jingïathuh jong ka Headmistress jong Nolikata Higher Secondary School, ka kong M. Marweiñ la ong ba kane ka jingjia ka jia ka lah ban dei ha ka por shiteng miet namar ba don ruh ka jinghap slap. “Ki tiar ba ki runar ki la ïoh ba rong tuh ki long ïa ka solar ba kynthup naduh ka Receiver, UPS bad Battery”, ïathuh ka kong Marweiñ.
Halor kane ka jingjia, ka kong Marweiñ ka la dep ba ujor ehjahar hapoh Police Out Post, Gumaghat, South West Khasi Hills District.
Ka jingtohkit halor kane ka dang ïaid shakhmat.
