Rong ki nongtuh ïa ka pisa na ïingmane da ki bun phew hajar

0

Shillong, Nailar 02: Ka jingjyllei ki kam tuh kam thiem ha ka jylla ka nang jyllei katba nang mih ki sngi, ka ïingmane jong ka Balang U Jisu Khrist Mawshai, Umlyngka ki runar ki la phrong bad rah ïa ka synduk bna la buh ïa ka jingainguh.
Haba kren pyrshang ban ïakren bad ki katto katne ki riew ngeit jong kane ka Balang ki la ïathuh ba kane ka jingshah phrong tuh la jia ha ka miet sngi u Blei. Kine ki paid riewngeit ki la ïathuh ba dei ha ka step sngi Nyngkong ba ki la lap ïa kane ka jingshah tuh bad ki la ïathuh ba ki la lap dien ïa u lyngka, ki tyrnem, ka lighter bad kiwei ki tiar ban phrong ïa kane ka ïing.
Haba ïakren bad ka Secretary jong ka balang ka Kong SR Ryntathiang ka la ïathuh ba kane ka jingshah rong ka Synduk thep jingainguh kaba ka pisa ka don kumba 30,000 eiei. Ka la ong ruh ba kane ka jingprong ki nongtuh ka dei na kyrpong jong ka ïingmane.
Shuh shuh ka la ïathuh ba na ka liang jong ka bor pynïaid balang la suba ba dei ki nongdih drok kiba la leh ïa kane ka kam
Ka la ïathuh ruh ba na ka liang ki bor pulit kin la wan hiar sha kane ka jaka ban pynlong ka jingtohkit.
Shuh shuh ka la ïathuh ba kane ka jingprong ïingmane kam dei ka sien kaba nyngkong namar ym pat da slem ka ïingmane jong ka Balang Presbyterian Mawpun kaba don marjan bad kane ka dong ka la shah tuh la kumba arsien eiei.

Leave A Reply

Your email address will not be published.