Shillong, Kyllalyngkot 06 : U Kishan Lyngdoh u la pynrung ïalade ha ka thup sahnam kum u rangïalehkai ba nyngkong ka Meghalaya ban tied ar tylli ki Spah Ron ha ka Ranji Trophy, ïa kaba u la lah ban kynjoh mynta ha ka Sngi ïakhun ba Ar pyrshah ïa ka Arunachal Pradesh ha Anand, Gujarat.
Nalor u Kishan, na ka liang jong u Ram Gurung, u la lah ban tyngshaiñ bha ïalade ha ka sien mih madan nyngkong ïa ka kynhun da kaba kamai ïa ka Spah Ron katba ka kynhun ka dang tehlakam ha kti ïa kane ka jingïakhun.
Ka Meghalaya ka la pyndep ïa ka inning ba nyngkong da 504/9, kaba la buh ïa ka kynhun ban lamkhmat 410 ron hadien ba ka Arunachal ka la shah pynkut hynnin ka Sngi da tang 94 ron. Haba shim ïa ka pali tied, ka Arunachal ka la tied 57/2 ha ka inning ba Ar.
U Kishan (68 ron) lem bad u Ram (61 ron) ki la bteng biang ban tied hynne ka step khlem da mutdur ban poi sha katei ka ron kaba ki la lah ban kynjoh. Ryngkatlang ki la ïarap ban kyntiew 133 shuwa ban bteng biang, bad satang khyndiat ban kyntiew 200 ron ryngkatlang shuwa ba ka jinglong paralok ka jong ki kan shah pyndkut.
Kine ki shijur ki la long ki bynta ba hakhmat ïa ka kynhun ban tehlakam ïa ki nongkawangbol ka Arunachal. Ki la lah ban ïaineh haduh 68 over, u Kishan bad u Ram ki la lah ban pynïoh ïa ka kynhun ban kynjoh sha ka 326 shuwa ba u Ram un shah pynhap hadien ba kamai 132 ron (17 tylli ki four bad kawei ka six, na ki 217 bol).
Ha kaba khadduh u Kishan u la shah pynhap noh da 268 ron, kaba u la kamai na ki 308 bol (kaba la pynïoh strike rate ïa u haduh 87.01) bad u la khyrwit haduh 43 tylli ki four bad kawei ka six. U ne u kapten ka Meghalaya u la hap banhusiar ïa ka rukom lehkai hadien ba hap noh u Ram.
Kitei ki arngut ki la ïoh ka jingïaroh hadien ba la khylliap ïa ka Inning tied jong ka kynhun na u President jong ka Meghalaya Cricket Association: u Nababrata Bhattacharjee.
“Ai khublei ïa ar tylli ki spah ron kiba u Kishan Lyngdoh – u kapten ka kynhun, ka sien kaba nyngkong ïa u player ka Meghalaya ban jam sha u ne u mawmer ha ka Ranji Trophy. Ngi baroh ngi sngew sarong namar kane. U don ïa ka sap, mynta ka jinglong rangbah ka jong u ban ïalam ïa ka kynhun ka la seisoh. Salute!” u la ong. ïa Ram, u President u la bynrap, “Ka spah ron kaba i shongkum na u Ram Gurung ha ka sngi sdang. Ai khublei ïa u Ram, u ba la nangpynskhem ïalade bad ka kynhun.”
Watla ka Meghalaya ka lamkhmat haduh palat 400 ron, hynrei ka kynhun kan dang hap ban khanglad ïa ka Arunachal sa shi sien pat. Watla u Ram u la tyngshaiñ ha ka tied hynrei u la ïai bteng ban pynpaw ïa ka jingtbit ka jong u da kaba khur 1/11 shuwa ban khylliap ïa ka sngi ïakhun ba Ar. U wei pat u wicket la shah pynhap ha u Dippu Ch Sangma (1/7), bad ka Arunachal ka dang donkam sa kumba 353 ron tang ban pynlong ïa ka Meghalaya ban tied sa shi sien pat.
