Shillong, Kyllalyngkot 05: Jam ka lympung kriket ‘Shillong Cricket league 2024’ ba la pynïaid da ka Shillong Cricket Association ha ryngkat ka jingïatreilang bad ka Samkhamti sha ka sngi ïakhun ba lai naduh ba la sdang.
Hynne ka sngi la ïoh ban pyndep ar tylli ki jingïakhun kumba long ha ki sngi ba la dep. Ka jingïakhun kaba nyngkong ka la long hapdeng ka Shillong Sixers pyrshah ïa ka United Brothers nangta bud sa ka jingïakhun hapdeng ka Mawjam CC pyrshah ïa ka Sanmer CC.
Ha ka jingïakhun kaba nyngkong ka Shillong Sixers ka la khur ïa ka namjop da 59 ron ïa ka United Brothers.
Ka kynhun United Brothers ka la jop ïa ka toss bad jied ban bol nyngkong, katba ka Shillong Sixers ka la buh thong haduh 193 ron shuwa ban hap baroh ki wicket naki 18.1 over.
Napdeng ki nongtied kiba la kamai ron bun na ka Shillong Sixers ki kynthup ïa u Meinam Amit Singh (57 ron naki 24 bol), u Azeem Nongkynrih (34 ron naki 23 bol).
Katba ki rangkawangbol ka liang pyrshah kiba la seisoh ki long u Bishal Mahato (4 over/ ailad 22 ron khur 4 wicket), u Akash Chettri (3.1over ailad 30 ron khur 3 wicket).
Haba beh ïa ka thong ba la buh ka United Brothers ka la lah ban kot tang sha ka 134 ron hynrei shah pynhap lut ki 10 wicket naki 18.4 over, kaba la pynlong ïa ka kynhun ban shah rem.
Watla kata ruh, u Monjidul Khan u la tied 50 ron naki 31bol, u Bishal Mahato u la kamai 20 ron naki 22 bol.
U Sumeet Gurung (4 over ailad tang 12 ron: pynhap 3 wicket), u Evert Mawlong (3.4 over ailad tang 23 ron: pynhap 3wicket), ki dei ki nongkawangbol kiba seisoh ha kane ka jingïakhun. ïa ka nam Player off the match la khur da u Sumeet Gurung ( tied18 ron & khur 3 wicket).
Haba phai pat sha ka jingïakhun kaba ar, ka Mawjam CC ka la jop ïa ka toss bad ka la jied ban bol nyngkong, na ka liang jong ka Sanmer CC ka la tied pyndep ïa ka 20 over bad kynjoh 170 ron hap 6 wicket.
Ki nongtied ba kamai bun ron ki long u Elton Kahrmuti (56 ron naki 48 bol), u Pynshngain Dkhar (37 ron naki 34 bol).
Napdeng ki nongkawangbol ka liang pyrshah, u md.mustafa u la ïoh ban pyndep 4 over bad ailad 31ron lem bad ki 3 wicket, katba u Shan Kharmawphlang u la kawang 4 over: ailad 15 ron khur 1wicket.
Hynrei ka Mawjam CC kam shym la lah ban kynjoh pura ïa ka thong ba la buh namar ka jingshah pynhap baroh ki wicket tang hadien 16.5 over, bad ïohlad ban kamai tang 121 ron.
Na ka liang jong u Shanborlang kharwanphlang u la ïarap 39 ron naki 35 bol ryngkat bad u Hamid Sohtun u ba la tied 19 ron naki 12 bol.
Dei lyngba ka jinglah ban lehkai bha ki rangkawangbol ba ka Sanmer CC ka la khur ïa ka namjop, lyngba u John dkhar (4over: ailad 14 rron: khur 3 wicket), u Donborlang marbaniang (3.5 over: ailad 18 ron: khur 3 wicket).
Ka Sanmer cc ka la jop da 49 ron bad ïa ka nam Player of the match od the Match la khur da u Elton kharmuti (56 ron khur 2 wicket).
