Mawkyrwat, ‘Nailur, 27: Ka Wahkaji PHC kum ka jingrakhe ïa ka World Rabies Day ka la ïoh ban pynlong ïa ka Awareness Program ha Langring Government Upper Primary School, Wahkaji, South West Khasi Hills Distict ha kaba ki don baroh 6 tylli ki skul kiba la wan ban ïashimbynta.
Ha kane ka prokram la ïa don lang baroh ki nonghikai jong ki skul bad ki nongtrei jong ka Wahkaji PHC ha kaba ki nongkren kiba dei ki nongai jingpynshai ki long ka Mingmoi Neihsial kaba ba dei ka Health Educator (HE) ha ryngkat u Dr. O. Suliang, Medical & Health Officer hapoh Wahkaji PHC. Ki 6 tylli ki skul kiba la wan ban ïashimbynta ki long kiba hap hapoh shnong Wahkaji bad Mawkhlaitngap bad ki kyrteng jong ki skul ki long ka Wahkaji Government LP School, ka Wahkaji RC LP School, ka Langrin Govt UP School, ka Wahkaji Secondary School, ka Mawkhlaitngap LP School bad ka Mawkhlaitngap UP School.
Ha kane ka sngi la ïoh ruh ïa ka jingbam smai ne ka pledge hadien ba lah dep ai ïa ka prokram ai jingpynshai, ym tang kata la ïoh ruh ban pynïa ka jingïaid rally, bad pynbud ruh ïa ka jingïakop dro jingdro kaba dei halor ka World Rabies Day.
La sam ruh ïa ki khusnam sha ki nongjop ha ka jingïakop dro dur kata kaba wan nyngkong ka Phibasuk Lyngdoh Langrin, ba ar ka Banraplin Lyngdoh Langrin, ba lai ka Ferisha Marthong bad ba ïoh khusnam bai rneng. Ki nongïashim bynta ba kumno ba kin nang ban ïada na ki jingdait ki ksew lane miaw ne kino kino ki mrad da kaba sumar bha bad lada shah dait dei ban da leit mar mar sha ki jaka ai jingsumar kum ha ki CHCs, PHCs ban phah ai tika ba thikna bha khnang ban lait na ka jingsaphriang sha kiwei ruh.
