Shillong, Nailar 14: Ka Shillong, College ka la pynlong ïa ka jingrakhe ïa ka pre-Independence Day celebration ha Shillong College Auditorium ha ka 13 tarik mynta u bnai, 2024, ha kaba u Prof. Shobhan N. Lamare, Department of History, NEHU, la ai ka jingkren halor ka phang “Freedom Fighters of Meghalaya : U Kiang Nangbah” ha kaba u la ïathuh ruh ïa kiba bun ki jingtip kiba bniah shaphang ka jingim jong u Kiang Nangbah kaba lam shah ka jingshah kem bad shah pynïap ha ki dohlieh.
Halor kane na ka liang jong u, u la batai ruh halor ka kam thma kaba u Kiang Nangbah u la ïakhun kiba long kum ki matti kiba dang im bad sah kynmaw haduh mynta mynne bad ka juk kaba mynta.
Ha kane ka sngi la pynlong ruh ïa ka jingiakob kyntip ne ka inter-college Quiz competition halor ka phang “Revisiting India’s Freedom Struggle and The Role Of Freedom Fighters”, ha kaba ka St. Edmund’s College ka la jop ha ka kyrdan kaba nyngkong, ba la pynbud pat sa ka St. Mary’s College of Teacher Education bad ka K.L. Bajoria College.
Ïa kane ka prokram la pynlong da ka Co-Curricular and Academic Development Committee ka Shillong College, bad ba la bei tyngka da ka Meghalaya Basin Management Agency.
