Hapoh 10 sngi yn sa mynjur ïa ki kyrteng Chairperson ka MSCPCR

East Khasi Hills

By Mawphor News Desk On Aug 15, 2024

Shillong, Nailar 14: U Myntri ka tnat Social Welfare u Bah Paul Lyngdoh u la pyntip ba ka tnat kan sa mynjur ïa ka kyrteng kaba thymmai haba ïadei bad chairperson jong ka Meghalaya State Commission for Protection of Child Rights (MSCPCR) hapoh ka 10 sngi.
“Hapoh 10 sngi, ngin sa rai ïa kane ka kam. Ngin sa shim ïa ka rai bad sa rah ïa kane sha ka cabinet ban ïoh ka jingmynjur kaba khatduh,” ong u Bah Lyngdoh.
“Ngi la ithuh ïa kumba 5 ngut ki kyrteng. Kumta hapoh ki 10 sngi ngin sa lah ban shim ïa ka rai kaba khatduh,” u la bynrap.
Halor kane ka rai ban ithuh ïa kitei ki 5 ngut ki briew na ka liang u Myntri u la ïathuh ba kawei ka briew kaba na Garo Hills ka la kyntait ïa kane ka jingtyrwa ban shah thung kum ka MSCPCR chairperson.

Mawphor News Desk

MAWPHOR is the first Khasi Daily, was established on 1st July 1989, with a four page tabloid size with just 1000 copies of circulation but within a span of 14 years it has reached the readership of about 2 millions people.

Prev Post

Banjur ka High Court ïa ki jingdonkam ban ïada ïa ki khynnah kiba duna ha ki dkhotmet Shillong, Nailar 14: Ka Juvenile Justice Committee, High Court ka Meghalaya ha ka jingïatreilang bad ka tnat Social Welfare, ka Directorate of School Education & Literacy, Commissioner for Person with Disabilities and Community & Rural Development ha ka sngi baar ka la pynlong ïa ka jingïasyllok kaba shisngi ne ka State Level Consultation Programme ha kaba ïadei bad ki lad jingïada ïa ki khynnah kiba don ka jingïapher ha ki dkhot met kaba la long ha Auditorium jong ka High Court ka Meghalaya. Haba kren ha kane ka prokram na ka liang u Justice S. Vaidyanathan, Chief Justice, High Court of Meghalaya u la pyntip ba kumba 1 billion na ka jingbun ki briew ha ka pyrthei ki don ïa kine ki jingduna la ka long ha ka por ba ki dang kha ne kiba la don lypa bad kumba 240 million ngut ki dei ki khynnah. U la ong ba kum ka lad ban ïada ïa ka hok longbriew manbriew khamtam ki khynnah kiba ïapher ha ki dkhot met la pynlong ïa kane ka prokram ban pynleit jingmut ïa kane ka bynta ka ban long kum ka jingkyrshan ïa ki. Haba pyrkhat ïa ki jingeh jong ki khynnah kiba don ka jingïapher ha ki dkhot met ha ka pyrthei baroh kawei ka donkam ban shim ïa ka jingpyrshang kaba ïasoh lang da baroh ban pyntreikam ïa ki aiñ bad ban weng ruh ïa ki jingsngew kiba ktah ïa ka imlang sahlang ne ki jingkren beiñ ne ki jingshah pynrem, u la bynrap. U la pynpaw ba ka jingthmu jong kane ka prokram ïasyllok ka long ban sngewthuh ïa ki jingduna bad ban ïoh ruh ki lad jingkyrshan bad ki hok ïa ki khynnah kiba don ki jingïapher ha ki dkhot met. U la ong ruh ba kane ka rynsan kan pynlah ïa ki nongshong shnong ban burom ïa ki hok jong ki khynnah kiba don ki jingïapher ha ki dkhot met. Na ka liang u Justice H. S Thangkhiew, Judge, High Court ka Meghalaya bad Chairperson, Juvenile Justice Committee ha ka jingkren u la banjur halor ka jingdonkam ban don ka jingïarap ïa kine ki khynnah kiba don jingïapher ha ki dkhot met. U la ïathuh ruh halor ka jingdonkam ban tip ïa ka Rights of Persons with Disabilities Act and the Juvenile Justice Act. Ha kane ka prokram la wan ban shim bynta lang da u Sampath Kumar. Principal Secretary, Social Welfare Department, u Swapnil Tembe, Director, Directorate of School Education & Literacy, ka Kong Bertha Dkhar, Executive Director, Bethany Society, Shillong bad ki heh ophisar na ki tnat bapher bapher jong ka sorkar.

Next Post

Rakhe ka Shillong College ïa ka Sngi Laitluid ka Ri

Leave A Reply