Rakhe ka Ri-Bhoi College ïa ka jingïaid lynti 40 snem, kynmaw burom ïa u Principal ba nyngkong

Khliehriat, Nailur 4: Ka Jaiñtia National Council ka pynpaw ka jingsngew nguh ïa u MP Shillong Parliamentary Seat, u Dr. Ricky AJ Syngkon ba u la kloi ban wan jurip bad wanjngoh da la ki jong ki khmat ïa ka Eklavya Model Residential School kaba Don haka shnong Jalaphet, East Jaiñtia Hills District ka ba la pynsahteng ïa ka jingpyntrei mynta la bun-bun snem, utei u MP u la wan hiar sha East Jaiñtia Hills hynnin ka sngi ka 3 tarik u nailur.
“Kane ka jingpyn sahteng ïa kum kine ki shlem ai jingnang jingstad ka long kaei kaei kaba pynduh nong ïa ki paidbah, khamtam ïa ki khynnah pule bad ruh ïa kiba wad kam wad jam, ka long ka jingduh nong ruh ïa ki khun samla kiba thrang ban pule hynrei kim ioh lad ban pule bad ruh ka long ka jingpynsepei kai ïa ka jaka kaba ki trai jaka ki la ai sngewbha da ka jingkhmih lynti ba kane ka school kan trei kam bad kyntiew shuh shuh ïa ka jingnang jingstad ha ka thaiñ bad ha ka district, hynrei haduh mynta ym pat shym lah ban pynurlong ïa katei ka shlem ai jingnang jingstad” ong u kyrwoh na ka JNC.
“Kumban shu pynkynmaw, ka Jaiñtia National Council (JNC) ka la ju phah ruh ïa ka dorkhat halor kane myn ha u snem ba la dep bad ka seng ka la kyntu bad dawa na ka sorkar ban pyntreikam noh kloi kloi ïa ki Residential School bad ka Teachers Training Centre (TTC) ki ba dang sahteng kiba khlem khlem pyntreikam haduh mynta kiba don ha East Jaiñtia Hills District, hynrei na ka liang jong ka sorkar pat kam shym la jubab eiei ruh haduh mynta ïa kine ki Residential School wat haba la dep shna ïa ki ïing building ruh” la ong u Wanshwa Suting GS JNC-CEC ha u kyrwoh.
“Hynrei lyngba ka jingwan jngoh jong u Dr. Ricky Syngkon ïa kane ka Eklavya Model Residential School (EMRS) kaba don ha ka shnong Jalaphet myn ha ka 3 tarik mynta u bnai nailur 2024, ngi kyrmen skhem bad khmih lynti ba kine ki Residential School bad Teachers Training Centre kin trei kam noh kloi kloi na ka bynta ka jingmyntoi u paidbah ba bun ba lang bad khamtam ïa ki khynnah pule.
Ka JNC ka kyrpad ruh ïa u MP ba don burom, u Dr. Ricky AJ Syngkon ban buddien lem ïa kine ki project ba dang sah teng bad ban wad ruh ïa ka dawbah dawsan ba balei lah shu ieh noh Khunswet kumne, khnang ba kin dup lah ban treikam noh ïa ki ha ki sngi ki ban sa wan bad lada ka kam ka long tang ban pynhun ïa ki contractor na ka Liang ka seng kam sngewlah ban pdiang da lei lei ruh “ pynkut u kyrwoh na u General Secretary JNC u bah Wanshwa Suting.