Shillong, Lber 30: Ka prokram kolshor kaba pynpaw ïa ka jinglong kyrpang jong ka jylla Rajasthan la pynlong ha Raj Bhavan, Shillong da ka jingrakhe ïa ka 75thFoundation Day jong ka Rajasthan.
ïa kane ka prokram la pynlong hapdeng ka jingpynïaid jong u Chief Secretary jong ka sorkar Rajasthan, u Sudhansh Pant, IAS.
Ha ka jingkren u Sudhansh Pant u la pynpaw ïa ka jinghiar pateng jong ki nong Rajasthan bad u la kren shaphang ka jingriewspah jong ka jinghiar pateng ka riti dustur bad ka jingkiew sted ha ka ïoh ka kot.
U la pyntip ba ka Rajasthan ka don ka jingshna ïa ka bording lyngba ka sngi, u la ong ruh ba ka jylla ka la dei ka jylla kaba lamkhmat hapoh ka ri India napdeng ki 5 tylli ki jylla kiba la buh ïa ki bording na ka lyier. Ka jylla Rajasthan ka la wan kaba 5 ha ka ri haba ïadei bad ki kam tih ïa ki marpoh khyndew bad kaba long kaba 7 ha kaba ïadei bad ka jingkiew ka GDP, u la bynrap.
Haba pynpaw ïa ka jingdonkam jong ka “Ek Bharat Shreshtha Bharat” kaba la sdang da ka sorkar India, u Pant u la ong ba ka jingsdang kaba kum kane kan ïaid ban pynkhlaiñ ïa ka jingïadei bad ka jingïasngewthuh jingmut hapdeng kiba bun ki jylla bad ki jylla ka ri kiba hab hapoh ka jingpeit jong ka sorkar pdeng.
Ha kane ka prokram ka khubor na u Lat ka Rajasthan, u Kalraj Mishra bad ka jingpyni ïa ka foundation day video ha Rajasthan kaba la pyni ruh ïa ki jingshad tynrai bad kiwei ki prokram ba la pynlong na jylla Rajasthan, Assam bad Meghalaya.
