Shillong, Lber, 30: Ka Meghalaya People’s United Front, Sengkmie ha ka sngi Saitjaiñ ka la pynskhem ïa ki nongkitkam jong ka Shillong Unit ha kaba u President rangbah ka seng u Bah Dawanpoimi Laloo, u President ka MPUF East Jaiñtia u Bah Kyrshan Blah bad u President jong ka MPUF Ribhoi u samla Jackson Sohtun ki la sakhi lang ha kane ka sngi kynthup ruh u Woring President jong ka KHNAM u Bah Thomas Passah uba la long kum u kongsan ha kaba u la pynskhem ïa ki 24 ngut ki dkhot ba thymmai jong ka MPUF Shillong Unit. Ïa ka kam President jong ka MPUF Shillong Unit la bynshet ha u samla Eric Sawlyer bad ïa ka kam General Secretary la pynkhamtai ha u samla Ador Susngi.
