Rakhe ka PFR Football Academy ïa ka National Voters Day
![](https://mawphor.com/wp-content/uploads/2022/05/Sports-2-750x430.jpg)
Shillong, K’lyngkot 27 : Kum shi bynta ban kyntu ïa ki samla kynthei bad shynrang, ki rangbah bad ki long kmie jong ka jylla ba kin kheiñ kor ïa la kajong ka vote, ka PFR Football Academy ha ka sngi Palei mynta ka taïew kala rakhe ïa ka National Voters Day ha Madan Malki ha ka jing don ryngkatlang jong ki samla, ki rangbah bad ki long kmie na ki District bapher bapher.
Ha kane ka jing rakhe la ïoh ban pynsngewthuh paidbah (Awareness) lyngba ka kong Kynjai Rupa Mawthoh sha ki paidbah halor ka jing donkam ban pyndonkam hok ïa la ka jong ka vote, ban pyndep hok ïa la kajong ka kamram, ban jied laitluid ïa ki nongmih khmat khlem da shah teh shah khum hano re hano re bad ba kim dei ban pynlehnohei ïa la ka jong ka Vote.
La ïoh ruh ïa ka jing kyntu ïa ki samla kiba la kynjoh 18 snem ka rta ba kin pynrung kyrteng ïalade hapoh ka Election Commission. La ïoh ruh ban pule ïa ka jingkular (pledge) na ki samla ha kaba ïadei bad kane ka sngi rakhe ïa ka National Voters Day.
Hadien jong kane ka program la pynbud da ka ka jing ïalehkai phutbol jong ki khynthei kiba la wan ban ïashimbynta na ki District bapher bapher.