Jowai, Naiwieng 14: Ka Pasadwar Cluster Sports Meet (PCSM) kala ïoh ban rakhe pyndon burom ïa ka sngi kyrpang ki hep barit kaba la tip ka Children’s Day kaba la long mynta hi ka sngi 14 tarik u Naiwieng ha phyllaw ka skul Pasadwar U.P School kaba don ha khappud bad ka Ri Bangladesh.
Ha kane ka sngi la ïoh shibun ki jingpynbyrnia na ki nonghikai jong ki 9 tylli ki skul kiba hap hapoh ka Cluster naduh ka Kharkhana UPS, Pasadwar UPS, Lumpyngngad UPS, Kharkhana Govt LPS, Pasadwar Govt, LPS Lumpyngngad non Govt LPS, Lumpyngngad Presbyterian LPS, Lumpyngngad RCLPS bad ka Kamsing LPS.
U kongsan ha kane ka sngi u dei u Bah Salan Swer uba dei u ophisar ba incharge ïa ka Pasadwar Range Forest officer, ha ka jingïadon lang u Waheh Shnong Pasadwar Bah Firstborn Pamblang, Waheh Shnong Lumpyngngad Bah C.Talang, ki nongkitkam shnong na ki shnong ba marjan, ki kmie ki kpa ki khynnah skul bad kiwei kiwei.
Ha kane ka sngi ki nonghikai na baroh kitei ki skul ki la ïa shim bynta naduh ka rwai ka siaw, ka shad bad ki short skit ban pynthynda jabieng ïa ki khynnah skul ha shwa ban poi ka examin phainal jong ki.
Kiwei de kiba la ïadonlang ha kane ka prokram ki kynthup ïa u bah W.K. Kharbuli, Additional Deputy Commissioner, West Jaintia Hills, kong R C Sohkhlet, IAS Registrar Cooperative Societies, Meghalaya Shillong, MD Meghalaya Cooperative Apex Bank, ki nongtrei jong ka Cooperation Department, Megha- LAMP, MBMA bad Meghalaya Cooperative Apex Bank Ltd lem bad kiwei de.
