Shillong, Ïaïong 24 : Ki shipai (Indian Army) jong ka Headquarter 101 Area, Shillong ha ka sngi Nyngkong (24-04-2023) ki la rakhe ïa ka jingdap 60 snem ne ka Diamond Jubilee, da kaba kynmaw burom ïa ki shipai kiba la khlad noh bad buh syntiew ha Shillong War Memorial, Rhino Prerna Sthal, da u Lieutenant General RP Kalita, General Officer Commanding in Chief (GOC-in-C) Eastern Command, Indian Army, ha ka jingïadonlang u Major General RK Jha, Officiating General Officer Commanding (GOC) 101 Area bad baroh ki shipai jong ka Headquarters 101 Area.
Ha ka jingrakhe ïa ka Diamond Jubilee, la pynlong ruh ka jingïaid rally da ki ar shaka kaba la pynlong ha ka 9 tarik Ïaïong 2023 ba la kaweh ïa ka lama da u Lat ka Jylla u Phagu Chauhan, kaba la sdang na Rhino Training Complex Shillong.
La pynlong ka jingïaid rally na Meghalaya, Assam, Mizoram, Manipur, Nagaland bad Arunachal Pradesh ban lehkmen na ka bynta u snem jong ka Azadi ka Amrit Mahotsav.
