Jowai, Ïaïong 24 : Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 24 tarik ha Madan Khliehtyrshi Mini Stadium na ka liang ka kynhun ka Efty United XI kala jop da 149 run ïa ka Khliehtyrshi Sports Club.
Haba phai sha ka jingïakhun ïa ka jingkynting pisa la jop da ka Efty United XI Mynso kaba la jied ban tied nyngkong da kaba kamai hadun 230 run na ki 35 over bad hap 6 wicket, kiba kham kamai run ki long u Sylvester Mylliempdah 138 run na ki 107 balls, u Sanvert Kurkalang 23 run na ki 32 balls, katba ki nongkawang bol ka Khliehtyrshi SC kiba ïoh ban khur wicket ki long u Conard Sana 2 Wicket naki 5 over bad u Shaniah Ryngkhlem 2 Wicket na ki 6 over.
Haba wan ban beh ïa ka thong ka Khliehtyrshi SC kala poi tang 81 run na ki 19.4 over bad hap baroh ki wicket, u Conard Sana ula kamai marwei 56 run na ki 54 ball, katba ki nongkawang bol Eft United kiba ïoh ban khur Wicket ki long u Sanvert Kurkalang 5 wicket, u Elizer. C Dkhar 2 wicket bad u Kitboklang Lyngdoh 2 wicket
Ïa ka nam Man of the Match mynta ka sngi la ïoh da u Sylvester Mylliempdah jong ka Efty United XI Mynso.
