Nongpoh, Naiwieng 11: Ka IA Ayurvedic Medical College (IAMC) bad ka University Hospital ka Ayurveda and Naturopathy (UHAN) ha University of Science and Technology Meghalaya hynnin ka sngi Thohdieng ka la rakhe ïa ka ‘8th National Ayurveda Day’ da kaba pynlong da ka jingïalehkai YOGA, ka jingïaid paidbah bad kumjuh ruh ban ai jinghikai halor ka rukom sumar Ayurveda ha kaba la kynmaw burom ruh ïa uta u Blei jong ki dawai u Sri Sri Dhanwantari.
Ïa ka jingai jinghikai halor ki dawai ne ki rukom ai jingsumar ba al tip kum ka Ayurveda la ai jinghikai da u Prof (Dr) OP Gupta, ubad ei u Proffessor ba la shongthaid jong ka Government Ayurvedic College and Hospital Guwahati.
Haba kren halor kane ka jingsumar ne ka rukom ai dawai tynrai ba la tip kum ka ayurveda, u Prof. O.P Gupta u la ong, “ baroh ha satlak ka pyrthie ki la tip shaphang ka jingsumar Ayurveda bad kaei kaba donkam ka long ban dang wad bniah shuh shuh khnang ba kan ai jingmyntoi na ka bynta kiba pang kiba shitom” bad bynrap ruh da kaba ong ba ka jingsumar Ayurveda ka dei kawei na kajingsumar kaba ai jingkoit jingkhiah shimet bad kumjuh ruh sha ka imlang ka sahlang bad kum u Proffessor u la batai bniah ruh sha ki nongwan shim bynta halor ka jingïarap jong ka jingsumar Ayurveda khamtam ha ka por ba wan lynshop ka khlam COVID-19” u la bynrap.
Na ka liang u Chancellor ka USTM, u Mahbubul Hoque, u la ai jingkren ha kane ka sngi bad u la pyntip ruh ba ka University kan pdiang noh ïa ki khynnah skul kiba wan pule ha ka degree ba la tip kum kata ka ‘Bachelor course in Ayurveda Medicine and Surgery (BAMS) ha kane ka IA Ayurveda Medical Collge,
U la ong ruh wat la mynta ngi dang don tang kumba 60 ngut ki samla pule kiba wan pule ha kane ka tnad pule bad ha ki sngi bad ki snem ban sa wan kin dang kyntiew ïa kajingbun ki khynnah pule, ha kaba ka rukom sumar ruh yn phihah ha ki bynta bapher ha kaba ha ka ktien nongwei la tip kum kita ki—Allopathy, Unani, Siddha and Homeopathy bad ki dang wad bniah ruh kham bha shaphang kane ka tnad pule ha USTM Campus.
Lyngba jong kane ka sngi, u Dr Anil Kr Sarma, Principal, IAMC ruh u la ai jingkren da kaba ong, “ ka IAAMC kawei na ka shnat pule ha USTM ka la pynïaid shaid shaid ïa ki jingpule naduh ba la sdang pdiang ïa ki samla pule bad kane ka dei ruh ka sien kaba nyngkong ban sah jingkynmaw ha kaba ïa ka IA Medical College la sdang nyngkong eh ha USTM, kaba dei hadien ba la ai bor da ka National Commission for Indian System of Medicine (NCISM), kaba dei ka Ministry jong ka tnad Ayush ka sorkar India.
Shuh shuh, ha kane ka sngi, kumba la sdang ban rakhe ïa kane ka sngi ba la tip kum ka 8th National Ayurveda Day da ka jingïalehkai YOGA la pynbut ruh da ka jingïaid paidbah lyngba ka Ayurveda Day Rally bad kiwei kiwei ki prorkam ha ryngkat ka jingkrenr jong kitei ki riew shemphang kiba la batai bniah halor akjingmyntoi jong ka jingsumar Ayurveda ha ka jingim jongngi ki briew.
