Mairang, Naiweing, 11: Ki Pulit jong ka Eastern West Khasi Hills District kiba la ïoh ïa ka jingtip kaba bniah na ki tnat syntiat ki la kem noh ïa uwei u briew uba la 26 snem ka rta ryngkat u drok.
Ïa une u briew la io hkem na ka kyntoit Lumiew jong ka shnong Pyndengumiong, Mairang kaba hap hapoh ka Eastern West Khasi Hills District ha ka janmiet jong ka sngi Thohdieng.
Katkum u kyrwoh ba la phah da ka tnat Pulit la ïathuh ba ha ka jingtalasi, ki Pulit ki la ïoh kurup 2 gram u drok heroin, ka pisa T. 11 hajar bad kawei ka mobile phone. Kane ka dei ka sien ka baar ba ki Pulit jong ka Eastwern West Khasi Hills District kin ïoh kurup ïa u drok hapoh ka District bad kaba nyngkong naduh ba la ïoh ïa la ka jong ka District.
