Tura, Kyllalyngkot 19: U Pynskhemborlang Marngar ba mihkhmat na ka West Khasi Hills bad ka Olivia Dkhar kaba na West Jaintia Hills, ki la ïoh ban khur ïa ka nam Champion of Champion ha ka rynsan ïakop ïakhun kti (arm wrestling) kaba dei kawei na ki jingïalehkai ha kane ka Meghalaya Games kaba san, ba la long ha Tura.
Haba phai pat sha ka jingïoh ban khur bun tylli ki takma na kane ka jingïakob, ka kynhun ki rang bad thei ïalehkai jong ka East Khasi Hills District ki la lah ban long ki nam tam ha jan baroh ki kyrdan ïakhun ha kaba ki la khur haduh 10 tylli ki takma ba kynthup 2 ki takma ksiar, 5 ki takma rupa bad 3 ki takma rnong.
Kine harum ki long ki kyrteng ki nongjop ha ki kyrdan ïakhun bapher bapher jong kane ka ïakob ïa khun kti kaba ha ka sien kaba nyngkong ka la ïoh ïa ka kabu ba kan rung kum kawei na ki jait jingïalehkai ha ka Meghalaya Games.
Ha ka thup jong ki kynthei, Below 50 Kgs 1st – Pynsuklang Lyngdoh (EWKH) 2nd – Milarita Lyngdoh Nongbri (EKH) 3rd – Pyndapbiang Shabong (EKH), Below 60 Kgs 1st – Olivia Dkhar (WJH) 2nd – Simisha Thabah (EKH) 3rd – Da-I-Hun Shisha Mawlong (EKH), Above 60 Kgs 1st – Rikka Ch. Marak (EGH) 2nd – Aidalin M. Pathaw (EKH) 3rd – Kiewdorlin Nongrum (SWKH).“Male Below 55 Kgs 1st – Roderick Lyngdoh (EKH) 2nd – Tridentstar Snaitang (EKH) 3rd – Brandon Basaiawmoit (Ekh), Below 65 Kgs 1st – Jimmison Marwein (SWKH) 2nd – Libitikos Lyngdoh (Ri Bhoi) 3rd – Maldini Kharkrang (EWKH), Below 75 Kgs 1st – Pynskhemborlang Marngar (WKH) 2nd – Tolammame Mylliempdah (EKH) 3rd – Karak T. Sangma (EGH), Below 85 Kgs 1st – Brandon Tariang (EKH) 2nd – Hiamdor Lyngdoh (WKH) 3rd – Pantora M. Marak (SWGH) Above 85 Kgs 1st – Mebansan Sangma (SWKH) 2nd – Pynshailang Narlong (Ri Bhoi) 3rd – Wilynder Khonglam (WJH)
