5th MEGHALAYA GAMES 2024:Kham khlaiñ ki nongïalehkai ka Ri Bhoi ha ka rynsan ïakop Rah-nar-khia

Tura, Kyllalyngkot 19: Katba ka lympung jingïalehkai bapher bapher jong ka 5th Meghalaya Games 2024 ki dang ïaid, la ïoh ban sakhi ïa kiba bun ki nongïalehkai kiba la lah ban sei shisha ïa ka sap ba kyrpang ka jong ki ha ki thup ïalehkai ba la bynta la ki jong ki jong.
Haba phai sha ka thup ïalehkai ka Weightlifting, ki nonglehkai kiba la wan ïashimbynta ki la wan poi na kylleng ki district ban ïaknieh namjop ha kane ka jingïakop.
Napdeng ki nongïashimbynta jong ki District bapher bapher, ka Ri Bhoi ka la wan hakhmat duh hadien ka jinglah ban sei ïa ki nongïalehkai ba khlaiñbor ban ïakop ha kane ka rynsan ïakop rah mar-khia.
Ha kane ka jingïalehkai, ka Ri Bhoi ka la ïoh ban khur haduh hynriew tylli ki takma ksiar, katba ka East Khasi Hills, West Garo Hills, bad South-West Khasi Hills ki la ïoh mar kawei ka takma ksiar.
Da kane, ka Ri Bhoi ka ïoh long lahduh na baroh ha ka weightlifting, da kaba khur 6 tylli ki takma ksiar, kiba kynthup na ka liang ki shynrang ba ïakhun ha ka kyrdan 73 kg, u Anasthasius Ryndongsngi, u la ioh khur haduh 107 points bad ha ka sienjam ba ar da 112 points kaba la pynbiang pura ïa u ban khur haduh 219 point.
U Wanbhabianglang Thabah, Laikmenlang Kharkongor bad u David Lyngdoh ki la long ki lahduh ha ka 61 kg, 55 kg bad 40 kg. Na ka liang ki nonglehkai ka East Khasi Hills ka la ïoh khur ïa ka takma ksiar ha ka kyrdan 81 kg lyngba u Edegar Benneth Jana u ba la ïoh khur 140 points.
Na West Garo Hills ha ka jingïakhun ha ka kyrdan 67 kg, u Raksil N Sangma, u la ïoh khur 142 points bad ïoh ïa ka takma ksiar katba na South-West Khasi Hills ka la don tang uwei ba ioh ban khur ia k takma ksiar. Ka jingjop jong ka Meghalaya Games kaba 5 ka dei ka sakhi Jong ka jingkiew ki Kam ia lehkai bad kilan met kaba ka lawei ba phyrnai ia ka jylla.
Haba ia kren bad u Wei na ki nongïalehkai rah nar ba paw ka pyrthei, u ba dei ruh u ba la jop ïa ka takma Rupa Jong ka Olympics bad ka takma ksiar jong ka Commonwealth Games u Robert Kabbas u ba dei ruh u nonghikai bad nongai mynsiem Jong ka Meghalaya Elite Pathway program u la ong, “ba ka rukom pyniaid ïa ka Meghalaya Games kaba 5 ka long kaba paka bha. Nga ai khublei ia ki nongialehkai baroh. ka Weightlifting ka dei ka jingïalehkai kaba biang bha ha ka Jylla ba ka jingdon ryngkatlang Jong u Kan pynpoi ia kine ki khynnah sha ka thong, bad ngi kyrmen shisha ba Kin poi sha ka thong,” u la bynrap.