Jowai, Jylliew 25 : Ka office jong u District Child Protection Officer (DCPO), District Child Protection Unit, West Jaiñtia Hills District, Jowai ka pyntip ba i khyllung khynthei ba la ioh tam ha ka 22 tarik Jylliew 2023, ba la shah bret noh ha ki briew ki bym ithuh ha krem Shohnoh, Mukhla iba don hapoh ka jingsumar jong ki Doctor hapoh MCH, Jowai, ila khlad noh na kane ka pyrthei hynin ka sngi (24tarik Jylliew, 2023) ha ka por 4:25 mynstep ha MCH, Jowai.
Hadien ba itei i khunlung i la khlad noh, la pyntip mar mar sha ki Pulit bad kiba la wan ban leh ïa ka tohkit halor ka met ïap jong i khyllung bad hadien kane la rah ïa ka met ïap jong i sha Civil Hospital, Ialong ban pyndep ïa ka Post Mortem.
Na ka liang ka ophis jong u DCPO, la pyntip ba kino kino ki briew lane kiba ïing hasem kiba don jingtip ne kiba don ka jingïadei bad ine i khyllung ki lah ban wan kam ïa ka met ba dang sah jong i na ka jaka buh metïap kaba don ha Civil Hospital, Ialong hapoh ka 7 sngi.
