Khliehriat Kyllalyngkot 08: Haka jingïalang ba la pynlong mynta ka sngi ha Dorbar hall jong ka shnong Moolamanoh, East Jaiñtia hills, ka seng Jaiñtia National Council (JNC) kala ioh ban pynthymmai ïa ki nongkitkam jong ka jong ka Jaiñtia National Council Hynñiew Shnong Circle ki ban trei na ka bynta ka samoi treikam ka ban wan, ïa ka jingïalang la pynïaid da incharge ka JNC- 7 Shnong Circle, u bah Mehi Rymbai.
U bah Mehi Rymbai, u la shim ruh ïa ka bynta ba kongsan ha kaba u la shim ïa ka bynta jong ka jingpyniateh kular jong ki nongkitkam ba thymmai jong ka circle, ha kajuh ka por u la ai ruh ïa ki kyntien kitbok kit rwiang ïa ki nongkitkam kiba dang shu jied thymmai, u la kyntu ruh ba ki dei ban trei shitrhem ïa ka kam kaba na ka bynta ka bha ka miat jong ka thaiñ hynniew shnong kaba don ha East Jaiñtia Hills District bad kumjuh ruh na ka bynta ka ri bad ka jaitbynriew.
La ioh ruh ïa ki kyntien pdiang burom ïa ki nongialam bad ki dkhot jong kane ka Circle da u President ka Circle, u bah Wishes Siangshai bad la ioh ruh ïa ki kyntien sneng kyntu na u Environment Secretary JNC-CEC, u bah Nini Sungoh.
Ki Nongkitkam ba thymmai jong ka Hynñiew Shnong Circle ki kynthup u President, u bah Wishes Siangshai, Genl. Secretary, u Jesterly Siangshai, Vice President, u bah Samson Phawa, Asst. Secy, u Baltylang Dkhar, Finance Secy, u bah Drass Siangshai , Asst Finance Secy, u Cheris Rymbai, Organising Secretary, u bah Pdiang Dkhar, Education Secretary, u bah Regeenal Shylla, Publicity Secretary, u Markius Rymbai, Sport Secretary, u Wadborlang Dkhar, Discipline Secretary, u Emlang Siangshai, Office Secretary, u Eborlang Dkhar lem bad 13 ngut ki dkhot.
